Азаматтарымыздың арқасында ауылдарымыз көркейіп келеді…
Жүгі нарда, қазаны теңде болып, көшпелі ғұмыр кешкен қазақ халқының ертеден-ақ ежелгі мекені – ауыл болғаны анық. Яғни, ауыл – ұлтымыздың ұйытқысы. Ауыл — адамзаттың кең дүниенің есігін ашып, өмірге келген жері. Ауыл жайлы сөз қозғалғанда кімнің өн бойын қуаныш кернемейді дейсің? Өйткені ауылдың ауасы таза, суы тұнық, шөбі көк майса болады. Қозы, лақ маңырап құлын-тай тебісіп, балалар оны қуалап, шуылдасып, жатады. Ауылда қаладағы сияқты сәулет өнері жақсы дамымаса да, ауылдың қаладан көркемділігі ерекше. Ол өзінің төрт түлік малдарымен, ауасының тазалығымен, көк майса шөбімен ерекшеленеді. Сол үшін де біз ауылдың қадірін түсініп, оның әлеуетін көтеруіміз керек. Ауылдың өсіп-өнуіне ықпал ететін ауыл тұрғындары мен беделді азаматтары.
Ауданымыздағы туған жеріне қосқан үлесі мол жандардың бірі Қожа ауылының құрметті азаматы Ақылбек Әлімғазиев. Осы ауылдың тіршілігін кеңейтіп, жұмыс күшін көбейтіп, ауылы үшін қолынан келгенін жасауда. Атап өтетін істердің бірі, 2020 жылы «А.Әлімғазиев» шаруа қожалығы бастаған Қожа ауылына 16 бөлмелі жер үй салу жұмыстары. Бүгінде құрылыс толық дерлік аяқталып қалды десек болады. Үй тұрғызылып, ішкі құрылыстар аяқталып, жарық өткізіліп есіктер салынды. Ендігі жұмыс жылу мен толық жабдықтау ғана.
700кв/м құрайтын 16 бөлмелі баспана көп балалы отбасылар мен қызметкерлерге арналған.Жалпы бұл ғимараттың құрылыс жұмыстарына 40 млн қаражат жұмсалған. Бастан аяқ үй құрылысы Ақылбек мырзаның демеулігімен жүргізілуде.
Болашақта ауылдарымыз көркейген үстіне көркейіп, аумағы кеңейіп, аудан орталығы сынды ірі ауылға айналады деген үміттемін. «Гүлденсе ауыл, гүлденеміз бәріміз» дегендей, ауыл көркейсе, қоныстанған тұрғындарға да қолайлы болар еді.
Келешек үшін осындай ел азаматтары үлгі алуға тұрарлық . Аға буын келешек ауыл жастары үшін өнеге, ертеңгі ұрпақтың ауыл келешегіне тигізер пайдасы зор. Ауылда асыр салып ойнаған әр бір жан келешекте ауылдан ұзағанымен, туған жерінің тынысы үшін пайдасын тигізсе, еліміздің әр ауылы көркейіп, тіршілігі қайнап тұрар еді. «Ауылын көріп азаматын таны» демекші, әр біріміздің бейнеміз туған ауылымыз. Ауылдың, елдің көркеюіне үлесімізді қосайық!
Айгүл САБИТБЕКОВА
Цветы во все времена были настоящим украшением любого сельского двора. (далее…)
В Наурзумском районе проблема безнадзорного и бродячего скота особенно актуальна в период сезонного выпаса. …
По данным отдела сельского хозяйства, в текущем году посевная площадь сельскохозяйственных культур по Наурзумскому району…
Эта трасса давно была наболевшим вопросом для жителей Наурзумского района. (далее…)
По данным аппарата акима Карамендинского сельского округа Наурзумского района, в текущем году на территории села…
Науырзым ауданындағы егіс алқаптарында орақ науқаны қызу жүріп жатыр. Шаруалар піскен егінді уақытылы жинап, маңдай…
This website uses cookies.