“Тәуелсіздік ел- тілегі”

Тәрбиешілер арасындағы зияткерлік сайыс

Мектепке дейінгі ұйымда үздіксіз білім беру жүйесіндегі маңызы мен өзектілігі ерекше мәселелердің бірі болып саналады.

Мектепке дейінгі мекемелердегі топ тәрбиешісінің балалармен қарым-қатынасы тұлғалық бағдар негізіне құрылуға тиіс, ол әр баланы құрметтеу және адамгершілікпен қарым-қатынас жасауды көздейді.

Тәрбиеші балалардың оң мінезі мен әрекетін қолдай отырып, бір-біріне жағымды қатынасты ұйымдастыру, топта өзін-өзі емін-еркін сезінуіне жағдай жасау қажет. Олардың бойындағы өзіндік бейім қабілеттеріне сүйене отырып, мектепке оқуға қажет болатын дағдылар мен іскерліктерді қалыптастыруды, дамытуды мақсат етеді.

Ақыл-ойы мен күш-қуатын балаларға арнап, жан аямай еңбек етеді. Өйткені ол, оның көкірек көзін ашып, дүниетанымын кеңейтіп, қияға қанат қақтырады.

Сондықтан болар кейбір дарынды ойшылдар да, тіпті арман қуған балалар да тәрбиешіні ерекше пір тұтып қадірлейді. ХХ ғасырдың ұлы жемісі – қазақ халқы үшін Егемендіктің көк туы желбіреуі. Ата- бабаларымыз көксеген, армандаған тәуелсіздікке қол жеткіздік. Ендігі мақсатымыз – ұлттық рухты көтеру, халқымыздың аса бай рухани қазынасы – ана тілімізді ардақтау.

Қазақстан Республикасының тәуелсіздік күніне орай ұйымдастырылған «Тәуелсіз ел-тілегі» атты мерекелік іс-шарада тәрбиешілер арасында зияткерлік сайысын ұйымдастырып, тәрбиешілеріміздің танымдық қасиеттерін дамыту арқылы, білімдерін, өнерлерін, қол өнерлерін, шапшаңдығын тамашалап тәрбиешілерді атаулы мерекемен құттықтап, мақтау қағаздарымен марапаттады.

Оразбаева Гүлбахрам Берикбаевна
«Балдырған» бөбекжай бақшасының педагог- психологы