Өңірімізде орыс тілінде түсірілетін бұл фильм «Степь» деп аталады
Қостанай облысының Науырзым қорығында Қызыл кітапқа енген жан-жануарлар, орманды қорғайтын қорықшылар мен аңшылар жайында шытырман оқиғаға толы фильм түсірілетін болады.
Фильм барысы браконьерлер мен қорықшылардың арасындағы күреспен өріледі. Соңғы жылдары саны сиреп кеткен аулуға тиым салынған аңдарды қорықшылар көзінің қара шығындай қорғайды. Ал атып алып, оны үлкен олжа етуді мақсат еткен браконьерлер қорықшыларға қарсы шығады.
Аталмыш фильмде Сергей Гармаш, Сейдолла Молдаханов, Дәурен Серғазин, Жанель Макажанова, Нышанбек Жұбанов, Ержан Түсіпов, Төлепберген Байсақалов сынды елімізге кеңінен танымал актерлер бой көрсететін болады. Сонымен қатар бұл картинада облыстық І.Омаров атындаға қазақ драма театрының әртістері Азамат Шүкеев, Нұрлыбек Кенжеахметов, Төленді Әлқожа, Әлімхан Мырзахан, Қуаныш Маратұлы өздерінің актерлік шеберліктерін танытпақ.
Табиғаты керемет Науырзым қорығында түсірілетін фильмнің режиссері, сценарий авторы Максим Акбаров. Мемлекеттік тапсырыс бойынша түсірілетін бұл фильм тамыз айында бастау алмақ. Сонымен қатар бұл бастамаға Қостанай облысы әкімдігі мен мәдениет басқармасы барынша қолдау көрсетіп отыр.
Осы ретте фильмде бой көрсететін І.Омаров атындағы қазақ драма театрының әртісі Азамат Шүкеевке хабарласқанымызда, ол:
– Қазір фильмге түсуге дайындалып жатырмын. Мен мұнда браконьерлердің басшысының оң қолы Ералының рөлін ойнаймын. Елімізде соңғы жылдары браконьерлердің қолынан қорықшылардың өлімі жиілеп кеткеннен кейін осы фильмді түсіру қолға алынған. Мағынасы терең, шытырман оқиғаға толы қызықты фильм болғалы тұр. Фильмнің кастингі осыдан бір ай бұрын ұйымдастырылды. Мен оған өзім жайымда деректер мен суретімді ұсынған болатынмын. Ойымша түр-әлпетім фильмнің тақырыбына тура келген болуы керек, осы туындыға шақырту алдым. Бұл фильм «Степь» деп аталады. Орыс тілінде түсіріледі, – деді ол.
Науырзым өңіріміздің табиғаты көркем, қасиетті мекені. Бұл осындай мәнді де мағыналы фильм түсіруге әбден лайықты жер. Сондықтан кино әлеміндегі осынау маңызды бастамаға сәттілік тілейміз.
Аягөз КӘКІМЖАНОВА
23 сәуірде Қазақстанда Мемлекет басшысы Қасым-Жомарт Тоқаевтың бастамасымен бекітілген Ұлттық кітап күні кең көлемде атап…
На территории Казахстана есть множество мест, которые являются достоянием нашей республики, но особняком среди них…
Нехватка учителей в настоящее время в Наурзумском районе является одной из самых актуальных и острых…
В масштабном для района мероприятии приняли участие педагоги со всех городов и районов Костанайской области,…
С первыми тёплыми днями весны в каждом селе начинается важная и добрая традиция — наведение…
Пострадали стройматериалы, которые находились на этой территории. Угрозы подтопления самих жилых домов нет. Об этом…
This website uses cookies.