Көрісу күнін Наурыз мейрамының бастауы деп айтуға болады.

Көрісу дәстүрінің тарихына үңілсек, ертеректе жапан далада қыс айларында мал баққан көшпенді халық бір-бірімен көрісе алмай, бір-бірін тек көктем келгенде Наурыз мейрамына қарай көре алған екен.

Сол уақыттан бері көрісу дәстүр ретінде сақталған. Біздің кейіпкеріміз Гүлнар Ақсауытова да осы пікірде.
Қарамеңдіде тұратын Гүлнар Ақсауытова ұлттық салт-дәстүрді насихаттап жүрген жан. Одан бөлек, Науырзым ауданының мәдениет және тілдерді дамыту бөлімінде еңбек етеді. Бұл мерекенің ерекшелігіне тоқталып, бала күнінде көрген-білгенімен бөлісті.
-Мен өзім де шалғайдағы  ауылда,  ата-әжеммен,  әке-шешеммен  тұрғандықтан  да  Наурыз  айында  қыстан  шығып,  көктем  келіп,  күн  мен  түн теңеліп,  жер  аяғы  кеңи  бастаған  мезгілде  үлкен  кісілер  бір-бірімен  көрісіп,  Амал күнімен құттықтайтын.  Есімде  қалғаны,  80-ші  жылдардың  аяғында  Ата-анамыз  Амал күні алдында үйдің ішін ретке келтіріп, қағып-сілкіп, жаңартып, қыстан қалған етін қазанға салып,  жас  бұзаулаған  сиырдың  сүтінен  уыз  пісіріп,  көршілерді  шақыратын.
Амал күнінің тәрбиелік маңызы да ерекше. Бұл жасы кішілерге үлкенді сыйлау деген ұғымды қаршадайынан миларына сіңдіреді. Қол берісіп амандасып, бір-бірімен етене араласу арқылы туыстық қарым-қатынас беки түседі.  Басқаларға реніші, өкпесі бар адамдар осы күні өкпесін ұмытып, ренжіскен адамына кіріп көріседі. Осылайша арадағы қарым-қатынасты түзеп, көрісу күні адамдар бір-бірімен қайта табысады. Көрісу күні кіріп-шықпаған жасы кіші туған-туысқан, көрші-қолаңға жасы үлкендер «Көрісіп шығуға келмеді» деп ренжіп жататын, – деп еске алады Гүлнар Ақсауытова.
Кейіпкеріміз заманның ағымына қарай кейбір салт-дәстүрлеріміздің ұмыт бола бастағанын айтады.
-Кеңес дәуірі кезінде біз жақсы дәстүрді үзіп алдық. Бірақ қазіргі күні өшкеніміз тіріліп, жанданып жатыр. Жылдан жылға Наурыз мерекесі қалай тойланады. Қазір әр отбасы  қыстан қалған етті қазанға салып, балаларынан тараған немере-жиендерімен  көрісу  күнін  тойлап  жатады. Осының өзі бақыт, осының өзі ғажап қой. Қазір «қой үстіне бозторғай жұмыртқалаған» заман. Алға қойылған мақсат-міндеттерімізді орындау жолында бірлік, түсіністік, еңбекқорлық болса, біздің алмайтын асуымыз жоқ дер едім. Халқымызға ырыс-құт мол болсын, Ұлыс оң болсын дегім келеді, – дейді Гүлнар Ақсауытова.
Шұға ҚОҢҚАБАЙ
Редактор

Recent Posts

Науырзымдықтар 60 жылдық мерей тойын сән-салтанатымен атап өтті

Кез келген азамат өзінің тарихына, мәдениетіне, салт-дәстүріне терең бойлай алуы керек. Туған жерге сүйіспеншілік туған…

1 неделя ago

Науырзымдықтар 60 жылдық мерей тойын сән-салтанатымен атап өтті

Кез келген азамат өзінің тарихына, мәдениетіне, салт-дәстүріне терең бойлай алуы керек. Туған жерге сүйіспеншілік туған…

1 неделя ago

В Наурзумском районе село Буревестник отметило свое 60-летие

Этот день стал праздником для всех жителей, каждый из которых внес свой вклад в его…

1 неделя ago

В Наурзумском районе работники государственной службы отметили свой профессиональный праздник

И сегодня всё больше молодых людей осознанно делают выбор в пользу государственной службы (далее…)

2 недели ago

Науырзымдық Алина «IQanat» қоғамдық қорының грантын жеңіп алды

2025 жылдың 13 маусымында Докучаев жалпы білім беретін мектебінің 8-сынып оқушысы Алина Валиева Қостанай облысының…

3 недели ago

This website uses cookies.