Әйелдерге қатысты зорлық-зомбылықсыз 16 күн
Әйелдерге қатысты кемсітушіліктің барлық нысандарын жою туралы конвенция ережесіне сәйкес, жыл сайын 25 қараша күні — Әйелдерге қатысты зорлық-зомбылық көрсетуді жою Халықаралық күні аталып өтіледі. ҚР ІІМ бастамасымен ел аумағында 25 қараша мен 10 желтоқсан аралығында тәртіп сақшылары, жергілікті атқарушы органдар, білім, медицина, еңбек және әлеуметтік қорғау, қоғамдық ұйымдардың қатысуымен «Әйелдерге қатысты зорлық-зомбылықсыз 16 күн» республикалық акциясы өткізілуде.
Акцияның негізгі мақсаты: әйелдерге қатысты зорлық-зомбылықты болдырмау, алдын алу, ана мен баланы қорғау, халықты қоғамдағы отбасының рөлін күшейтуге бағытталған шаралармен таныстыру болып табылады. «Тұрмыстық зорлық-зомбылықтың профилактикасы туралы» Заңның негізгі ережелерін түсіндіру бойынша жұмыстар, сонымен қатар іс-шараны өткізу шеңберінде мектеп оұушыларымен, аудан тұрғындарымен кездесулер өткізілді.
Айта кету керек, «Әйелдерге қатысты зорлық-зомбылықсыз 16 күн» республикалық акциясын Науырзым ауданы полицейлері қарқынды түрде іске асырып, әйелдер мен балаларға қатысты зорлық-зомбылықтың алдын алу және жолын кесу, отбасылық-тұрмыстық қатынастар саласында және отбасының қоғамдағы рөлін нығайту мақсатында өткізуде.
Тілеуберген Абай Темірханұлы
Кәмелетке толмағандар істері жөніндегі
учаскілік полиция инспекторы
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31