Қазақстан Республикасының Тәуелсіздік күніне орай балалар арасында тоғызқұмалақтан жарыс өткізілді
2019 жылы 10 желтоқсан күні Қазақстан Республикасының Тәуелсіздік күніне орай Науырзым ауданы, Қарамеңді ауылы, балалар шығармашылығы үйінде ұлттық ойынды халық арасында кеңінен насихаттау, балалардың ой-өрісін, санасын, зияткерлік қабілетін қалыптастыру мақсатында балалар арасында қазақтың ұлттық ойыны «Тоғызқұмалақтан» жарыс өткізілді.
Бұл жарысқа 4-7 сынып оқушылары белсене қатысып, өз бақтарын сынады. Жарыс қорытындысы бойынша бірінші орынды 7 сынып оқушысы Нөсеров Нұрлыбек, екінші орынды 4 сынып оқушысы Жексенбай Айзере, үшінші орынды алтыншы сынып оқушысы Төлеубек Аяжан иеленді.
Ауылымызда ұлттық ойынымызды дамыту мақсатында тоғызқұмалақтан жарыстар жиі өткізіліп тұрады. Тоғызқұмалақтан жарыстардың жиі өткізіліп тұруына байланысты тоғызқұмалаққа деген қызығушылық артып, тоғызқұмалақ ойнайтын балалардың саны артуда.
Келешекте тоғызқұмалақты одан әрі дамытып, аудан, облыс, республика көлемінде өткізілетін жарыстарда топ жаратын шәкірттерді тәрбиелейтінімізге сенеміз.
Д.С. Балтабай
Директордың оқу жұмысы жөніндегі орынбасары
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31